بہادر افواج خطرات کا مقابلہ کرنے کے لیے ہمہ وقت تیار ہیں، صدر، وزیر اعظم کا پیغام۔ فوٹو: فائل
اسلام آباد: ملک بھر میں یوم دفاع پاکستان آج 6 ستمبر کو روایتی جوش وخروش سے منایا جارہا ہے۔
دن کا آغاز مساجد میں ملکی سلامتی کی دعاؤں کے ساتھ ہوا جبکہ آج معرکہ ستمبر 1965ء میں شہید ہونے والوں کی یادگاروں پر پھول چڑھانے کے علاوہ قرآن خوانی اور فاتحہ خوانی کی جائے گی، ریڈیو پاکستان اس حوالے سے خصوصی پروگرام نشر کرے گا، اخبارات میں خصوصی مضامین شائع کیے گئے ہیں جبکہ ٹی وی چینلز سے بھی خصوصی پروگرام ٹیلی کاسٹ کیے جائیں گے۔
صدر ممنون حسین نے یوم دفاع پر اپنے پیغام میں ملکی دفاع اور وقار کی خاطر ڈٹ جانے والے سپاہیوں، غازیوں اور شہیدوں کو خراج تحسین پیش کرتے ہوئے کہا کہ پاکستان کی بہادر مسلح افواج اندرونی وبیرونی خطرات کا مقابلہ کرنے کے لیے ہمہ وقت تیار ہیں جبکہ وزیراعظم نواز شریف نے قوم کو یقین دلایا کہ موجودہ جمہوری حکومت اپنی مسلح افواج کی ضروریات پوری کرنے کے لیے پرعزم ہے۔
0 comments:
Post a Comment